Rusiya Baş nazirinin müavini Aleksandr Novak Bağdadda Səudiyyə Ərəbistanının energetika naziri şahzadə Əbdüləziz bin Salman və İraqın energetika naziri Ziyad Əli Fadhel ilə üçtərəfli görüş keçirib.

“Report” xəbər verir ki, bu barədə Rusiya hökuməti məlumat yayıb.

İclas iştirakçıları qlobal neft bazarlarında sabitliyin və tarazlığın qorunmasının vacibliyini vurğulayaraq, OPEC+ qrupunun bu baxımdan mühüm rol oynadığını qeyd ediblər.

Onlar həmçinin OPEC+ ölkələri arasında əməkdaşlığın vacibliyini və onların sazişə tam sadiqliyini və könüllü hasilatın, o cümlədən səkkiz iştirakçı ölkə tərəfindən razılaşdırılan könüllü azalmaların, eləcə də istənilən artıq hasilata görə kompensasiyanın ödənilməsini vurğulayıblar.

İraqın energetika naziri ölkəsinin OPEK katibliyinə təqdim edilmiş yenilənmiş cədvələ uyğun olaraq sazişə, könüllü hasilatın azaldılmasına və hasilatın artırılmasına görə kompensasiyaya tam sadiqliyini təsdiqləyib.

Oxşar xəbərlər

OPEC+ ölkələri neft hasilatının könüllü azaldılmasını dekabra qədər uzadıb

OPEC neftin qiymətinin 50 dollara düşəcəyi ilə bağlı iddiaları rədd edib