Bakının iki rayonunda qaz təchizatında müvəqqəti fasilə yaranacaq

Qaradağ və Nizami rayonları ərazisində qaz xətlərinin yerinin dəyişdirilməsi məqsədilə 08.10.2024-cü il saat 09:00-dan qaz təchizatının dayandırılması planlaşdırılır.

Bu barədə "Sizinxeber.az"a "Azəriqaz" İB-dən bildirilib.

Təmir-quraşdırma işləri görülən müddətdə Qaradağ rayonu üzrə Ümid, Umbakı, Əzimkənd, Sanqaçal qəsəbələrinin və Yol evləri, Bağ evləri yaşayış massivlərinin, həmçinin Nizami rayonu üzrə M.Şərifli, Ə. Kürçaylı, İ. Məmmədov, B.Nuriyev, C.Naxçıvanski, R. Rüstəmov küçələrinin, Qara Qarayev və Babək prospektlərinin bir hissəsinin qaz təchizatında müvəqqəti fasilə yaranacaq.