"Bakı Metropoliteni" QSC-də investisiya mühitinin cəlbediciliyini artırmaq məqsədilə beynəlxalq məsləhətçi şirkət cəlb olunub və 10 prioritet istiqamət üzrə xüsusi proqram hazırlanıb.

Sizinxeber.Az xəbər verir ki, bu barədə Report-a müsahibəsində "AZCON Holdinq"in icraçı direktoru Şahin Babayev bildirib.

Onun sözlərinə görə, miqyaslı layihələrin reallaşdırılması üçün beynəlxalq maliyyə qurumları, strateji tərəfdaşlar və xarici investorlarla birgə fəaliyyət zəruridir:

"Bu məqsədlə "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" çərçivəsində inşa ediləcək 10 metro stansiyası, eləcə də Azərbaycan Dəmir Yollarının infrastruktur potensialının artırılması istiqamətində Asiya İnkişaf Bankı (ADB), Asiya İnfrastruktur İnvestisiya Bankı (AİİB) və Dünya Bankı ilə sıx əməkdaşlıq prosesi artıq start götürüb. AİİB ilə "Bakı metrosunun genişləndirilməsi layihəsi - I mərhələ" çərçivəsində 180 milyon ABŞ dolları məbləğində maliyyələşmə müqaviləsi imzalanıb".

Ş.Babayev əlavə edib ki, əsas hədəf investisiya layihələrinə investorların cəlb edilməsidir:

"Bilik paylaşımı, kadr resurslarının tənzimlənməsi, mütəxəssislərlə qarşılıqlı təlimlərin həyata keçirilməsi istiqamətində də ardıcıl görüşlər davam etdirilir. Bu proses artıq təkcə görüşlər formatında deyil, həm holdinqlərlə qarşılıqlı əməkdaşlıq mexanizmi şəklində icra olunur".

Oxşar xəbərlər

Asiya İnfrastruktur İnvestisiya Bankı Bakı metrosuna kredit verməyə hazırlaşır

Asiya İnfrastruktur İnvestisiya Bankı “Bakı Metropoliteni”nə kredit verəcək

AİİB Orta Dəhlizə investisiya qoymağa maraq göstərir

Bakı metrosu Asiya İnfrastruktur İnvestisiya Bankından kredit cəlb edəcək - EKSKLÜZİV

ADB və AIIB ilə Azərbaycanda "yaşıl enerji" layihələrinin maliyyələşdirilməsi müzakirə edilib