Qazaxıstan 2026-cı ilin mart ayında Bakı-Tbilisi-Ceyhan (BTC) boru kəməri ilə neft ixracının 138 min ton səviyyəsində olacağını planlaşdırır.

"Report" "İnterfaks-Qazaxıstan"a istinadən xəbər verir ki, bunu "KazTransOil" SC-nin nəqletmə departamentinin direktoru İslamdaut Akubayev bildirib.

Qeyd edək ki, bu ilin fevralında Qazaxıstan BTC ilə dünya bazarlarına 115 min ton neft göndərib. Beləliklə, bu marşrut üzrə martda ixrac 20 % artacaq.

Məlumata görə, yanvar ayında Qazaxıstanın BTC ilə ixracı 106 min ton təşkil edib. Bununla da, 2026-cı ilin I rübündə Qazaxıstanın BTC ilə ümumi neft ixracı 359 min ton təşkil edəcək.

Xatırladaq ki, Qazaxıstan 2026-cı ildə dünya bazarlarına BTC boru kəməri vasitəsilə 1,5 milyon tondan 2,2 milyon tona qədər həcmdə neft ixrac etməyi planlaşdırır.

2025-ci ildə Qazaxıstan BTC neft kəməri ilə 1,2 milyon ton neft ixrac edib.

Oxşar xəbərlər

CPC bu il 53 milyon ton neft ixrac edib

Bu il BTC ilə Qazaxıstan neftinin tranziti 1,5 milyon ton həcmində planlaşdırılır

Qazaxıstanın Energetika Nazirliyi 8 ay ərzində BTC ilə neft tranzitinin həcmini açıqlayıb

Qazaxıstan 2025-ci ildə BTC boru kəməri ilə neftin ixracına dair proqnozunu təsdiqləyib

Ötən il Bakı-Supsa boru kəməri ilə ixrac edilən neftin həcmi açıqlanıb