Azərbaycan Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Standartlaşdırma İnstitutunun (AZSTAND) nəzdində “Mebel sənayesi məhsulları” standartlaşdırma üzrə yeni Texniki Komitə (AZSTAND/TK 14) təsis edilib.

Bu barədə “Sizinxeber.az” AZSTAND-a istinadən xəbər verir.

Bildirilib ki, Texniki Komitənin yaradılmasında əsas məqsəd mebel sənayesi sahəsində istifadə olunan məhsulların, o cümlədən istehsal proseslərinin milli və beynəlxalq standartlara uyğunlaşdırılması, həmçinin məhsul keyfiyyətinin artırılması, təhlükəsizlik və rəqabətqabiliyyətliliyin yüksəldilməsi istiqamətində normativ-hüquqi bazanın təkmilləşdirilməsidir.

AZSTAND/TK 14-ün tərkibinə Azərbaycan Mebel İstehsalçıları Assosiasiyası ilə yanaşı, müvafiq dövlət qurumlarının nümayəndələri də daxil edilib.

Qeyd edək ki, “Mebel sənayesi məhsulları” standartlaşdırma üzrə Texniki Komitə (AZSTAND/TK 14) Azərbaycan Prezidentinin 23 yanvar 2023-cü il tarixli, 3721 nömrəli Sərəncamı ilə təsdiq olunan “Milli standartlaşdırma sisteminin beynəlxalq tələblərə uyğunlaşdırılmasına dair 2023–2025-ci illər üçün Dövlət Proqramı” çərçivəsində nəzərdə tutulan tədbirlərin icrasını təmin etmək məqsədilə Azərbaycan Standartlaşdırma İnstitutunun müvafiq qərarı əsasında yaradılıb.

Oxşar xəbərlər

Azərbaycanda toxuculuq sahəsində yeni dövlət standartı qəbul edilib

AZSTAND standartlaşdırma subyektlərinə müraciət edib

Azərbaycanda tibbi laboratoriyalara dair yeni dövlət standartı qəbul edilib

Azərbaycanda əməyin təhlükəsizliyi sahəsində yeni dövlət standartları qəbul edilib