Pakistan Azərbaycanın investorları üçün geniş imkanlar təklif edir.

"Report" xəbər verir ki, bunu Pakistanın dəmir yolları üzrə dövlət naziri, Pakistan Milli Assambleyasının üzvü Bilal Azhar Kayani Bakıda keçirilən II Beynəlxalq Aqrar İnnovasiyalar Forumunda deyib.

O vurğulayıb ki, Pakistanda beynəlxalq investorlar, o cümlədən Azərbaycan tərəfdaşları üçün böyük potensial mövcuddur: “Pakistan əməkdaşlığa açıqdır. Ölkə iqtisadiyyatı müsbət trayektoriyada inkişaf edir”.

Nazirin sözlərinə görə, son bir ildə Pakistanda iqtisadiyyatı sabitləşdirmək mümkün olub: “Ölkənin qızıl-valyuta ehtiyatları artıb, inflyasiya əhəmiyyətli dərəcədə azalıb, enerji resurslarının qiymətləri aşağı düşüb. Ölkədə federal hökumətin strukturunun optimallaşdırılması prosesi başlayıb. Biz investorlar üçün vahid pəncərə – Xüsusi İnvestisiyalara Dəstək Şurası (SIFC) yaratmışıq. Bütün bu tədbirlər investorlar, şirkətlər və sahibkarlar üçün iş prosesini asanlaşdırmağa yönəlib. Pakistan biznes üçün açıqdır”.

O, həmçinin bildirib ki, Pakistan Azərbaycanla münasibətlərə xüsusi önəm verir: “Bu, Pakistan xalqı üçün prioritet istiqamətlərdən biridir. Biz iki qardaş ölkəyik".

Oxşar xəbərlər

Pakistanlı nazir: "COP29 “yaşıl enerji” sahəsində Azərbaycanla əməkdaşlıq üçün yeni imkanlar açacaq"

Azərbaycanlı investorlar Moldovanın dövlət müəssisələrinin özəlləşdirilməsində iştiraka dəvət olunub

Azərbaycan və Pakistan ortaq Ticarət və Sənaye Palatası yarada bilər

Nazir: Azərbaycanın D-8-ə qoşulması Pakistanla iqtisadi əməkdaşlığın gücləndirilməsi üçün yeni imkanlar açır

Səməd Bəşirli: "Azərbaycanda 3 300-dən çox aktiv Pakistan şirkəti var"