Bu ilin noyabr ayında Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) “yaşıl enerji” sahəsində Azərbaycanla əməkdaşlıq üçün yeni imkanlar açacaq.

Bunu "Sizinxeber.az"a açıqlamasında Pakistanın federal ticarət naziri Cavad Pol Bakıda keçirilən Azərbaycan-Pakistan Biznes Forumu çərçivəsində bildirib.

"Bərpa olunan enerji mənbələri sahəsi Azərbaycan və Pakistan arasında əməkdaşlıq üçün perspektivli istiqamətdir. Rəsmi Bakı və İslamabad müxtəlif sahələrdə güclü əməkdaşlıq qurub. İldə günəşli günlərin çoxluğu və yüksək insolasiya sayəsində Pakistan bərpa olunan enerji mənbələri sahəsində layihə həyata keçirilməsi üçün əhəmiyyətli potensiala malikdir. Pakistanda ildə təxminən 300 günəşli gün var. Enerji istehsal etmək və əldə etmək üçün bizə yalnız investisiya lazımdır”, - deyə o qeyd edib.

COP29-dan bəhs edən nazir bildirib ki, Pakistan da “yaşıl enerji”yə keçidi sürətləndirmək niyyətindədir.

Oxşar xəbərlər

Səməd Bəşirli: "Azərbaycanda 3 300-dən çox aktiv Pakistan şirkəti var"

“Energy China” COP29 çərçivəsində paralel tədbir keçirəcək

"Energy China" öz törəmə şirkətləri vasitəsilə Azərbaycanda iştirakını genişləndirir

İlham Əliyev: COP29 Azərbaycanla ABŞ arasında əməkdaşlıq üçün yaxşı imkanlar yaradır

Ekspert: Əminliklə deyə bilərəm ki, COP29 komandası üzərinə düşən işin öhdəsindən gələcək