İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) Türk Dövlətləri Təşkilatına (TDT) üzv ölkələrin sahibkarlıq subyektləri ilə qarşılıqlı əməkdaşlığına dair təşəbbüsləri var.

"Report" xəbər verir ki, bunu Agentliyin İdarə Heyətinin sədri Orxan Məmmədov Bakıda keçirilən Türk Ticarət və Sənaye Palataları Birliyinin Baş Assambleyasında bildirib.

"Biz sahibkarlığın innovativ inkişafına, iş prosesinə təsir edən ixtiraların, faydalı modellərin, texnoloji yenilik və sənaye nümunələrinin elmi cəhətdən öyrənilməsinə, araşdırılmasına və tədqiqat aparılmasına dəstək təklif edirik. Həmçinin startapların və sahibkarların maliyyə resurslarına çıxış imkanlarının genişləndirilməsini dəstəkləyə bilərik. Üzv və müşahidəçi dövlətlərin KOB-ların inkişafı sahəsində uğurla tətbiq etdiyi stimullaşdırı mexanizmlərin və təcrübələrin qarşılıqlı mübadilə edilməsini, innovativ sahibkarlığın təşviq edilməsi üşün startapların və sahibkarların ali təhsil, elm-tədqiqat müəssisələri, eləcə də sənaye və texnologiya parkları, texnoloji biznes inkubatorları və texnoloji transfer mərkəzləri ilə sıx əməkdaşlıq etməyi təklif edirik", - deyə o qeyd edib.

Oxşar xəbərlər

KOBİA: Orta və kiçik sahibkarlara verilən kreditlər azalıb

KOBİA "yaşıl iqtisadiyyat"a və iqlim dəyişikliyi ilə mübarizəyə dair qlobal təşəbbüslə çıxış edib

Orxan Məmmədov: "Azərbaycanda 182 KOB subyekti “Startap” şəhadətnaməsi alıb"

Orxan Məmmədov: "Halal sənayenin inkişafında texnoloji yeniliklərin inteqrasiyasına xüsusi diqqət yetirilməlidir"

AZPROMO: TDT ölkələri ixracı və qarşılıqlı investisiyaları artırmalıdır