Naxçıvanda 9 ayda 5 mindən çox yeni vergi ödəyicisi qeydiyyata alınıb

Bu ilin yanvar-sentyabr aylarında Naxçıvan Muxtar Respublikasında 5 345 yeni vergi ödəyicisi qeydiyyata alınıb.

"Sizinxeber.az"un yerli bürosu xəbər verir ki, bunun 5 121-i fiziki şəxslər, 224-ü isə hüquqi şəxslər və digər təşkilatlar olub.

Qeydiyyata alınmış vergi ödəyicilərinin sayı ötən ilin eyni dövrü ilə müqayisədə 23,2 % artıb.

9 ayda kommersiya qurumlarının 81,2 %-i elektron qaydada, 18,8 %-i isə kağız daşıyıcısında müraciətlər əsasında qeydiyyata alınıb.