Azərbaycanla Səudiyyə Ərəbistan arasında keçirilən görüşlərin daha məhsuldar olması və layihələrə çevrilməsi əsas hədəflərdəndir.

“Sizinxeber.az” xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Azərbaycan-Səudiyyə Ərəbistanı Bigə İşgüzar Şurasının Bakıda keçirilən 5-ci iclasında bildirib.

"Biz çox istəyirik ki, 6-cı iclasda sahibkarlar artıq real layihələr barədə danışsınlar", - deyə o qeyd edib.

Y. Abdullayev həmçinin deyib ki, AZPROMO iki ölkənin ticarət əlaqələrini təşviq edir: "Bu ilin mayında Səudiyyə Ərəbistanda keçirilmiş "Saudi Food Show"da Azərbaycan vahid ölkə stendi ilə təmsil olunub. Bu, ənənə növbəti il də davam edəcək".

"Bu ilin sonuna qədər Azərbaycanda logistikanın subsidiyalaşdırılması reallaşacaq. Yenilik iki ölkə arasında ticarət əlaqələrinin inkişafına xidmət edəcək və əngəlləri aradan qaldıracaq", - deyə AZPROMO rəsmisi əlavə edib.

Oxşar xəbərlər

Azərbaycan İraqa qızıl ixracını artıra bilər

Səudiyyə Ərəbistanı rəsmisi: "Azərbaycanla ticarət dövriyyəmiz potensialımızı tam əks etdirmir"

AZPROMO: İraqa məhsul ixracı üçün böyük potensial var

AZPROMO: Pakistana yaxın gələcəkdə ixrac missiyası təşkil olunacaq