Ukraynada Azərbaycana reabilitasiya üçün göndərilən uşaqların növbəti qrupu bu gün Kiyevdən yola salınıb.

Axar.az xəbər verir ki, növbəti qrup Mariupol şəhərindən qaçqın düşən ailələrin uşaqlarıdır.

Yola salınma mərasimində Azərbaycanın Ukraynadakı səfiri Seymur Mərdəliyev, səfirliyin müşaviri Fərid Babayev də iştirak edib. Səfir Seymur Mərdəliyev Azərbaycanın humanitar yardımda daim fəal olduğunu xatırladaraq, ukraynalı uşaqların reabilitasiyası üçün qəbulunun da bunun bir hissəsi olduğunu deyib. Bildirilib ki, bununla indiyədək Azərbaycanda reabilitasiya keçən ukraynalı uşaqların sayı 630-a çatıb. Azərbaycan dövləti tərəfindən humanitar missiya bundan sonra da davam etdiriləcək.

Mariupol merinin müavini Yuri Pivovarov bildirilib ki, bu gün 30-dan çox uşaq yola salınır.

"Bu gün burada olmaq, ilk qrup mariupollu uşaqları Azərbaycana yola salmaq şərəfdir. 30-dan artıq uşağı yola salmaq üçün buradayıq. Hamısı Mariupoldandırlar. Bu uşaqlar Azərbaycan tərəfindən reabilitasiyaya qəbul olunacaq. Buna görə Azərbaycan dövlətinə dərin təşəkkür edirik. Biz onları ilk dəfə sağlamlıq-istirahət məqsədilə Azərbaycana göndəririk. Mən Azərbaycan səfiri Mərdəliyevə, əziz həmkarıma bu təşəbbüsə, köməyə, müşayiətə və ümumiyyətlə, bütün bunlara himayəsinə görə təşəkkür etmək istəyirəm. Biz bunu son dərəcə yüksək qiymətləndiririk", - deyə Yuri Pivovarov əlavə edib.

Oxşar xəbərlər

Ukraynalı uşaqların növbəti qrupu reabilitasiya üçün Azərbaycana yola salınıb

Ukraynalı uşaqların daha bir qrupu reabilitasiya üçün Azərbaycana yola düşüb

Ukraynalı uşaqların daha bir qrupu reabilitasiya xidməti üçün Azərbaycana gəlib

Ukraynalı uşaqların növbəti qrupu reabilitasiya üçün Azərbaycana gəlib

Daha bir qrup ukraynalı uşaq Bakıya yola düşüb