ABŞ-nin Hərbi Dəniz Qüvvələri tərəfindən ələ keçirilən TOUSKA yük gəmisi İranın Bəndər Abbas limanına gedirdi.

"Sizinxeber.az" xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

Komandanlıq "X" sosial şəbəkəsində bildirib ki, raket esminesi "USS Spruance" İranın TOUSKA gəmisini Bəndər Abbas şəhərinə gedərkən Ərəbistan dənizindən 31,4 km/saat sürətlə keçərkən saxlayıb.

CENTCOM-un məlumatına görə, İran bayrağı altında üzən TOUSKA gəmisinin heyəti altı saat ərzində çoxsaylı xəbərdarlıqlara məhəl qoymayıb, bundan sonra "USS Spruance" esminesi gəminin mühərrik hissəsinə bir neçə 127 millimetrlik "Mark" top mərmisi atıb. CENTCOM-un məlumatına görə, bundan sonra dəniz piyadaları bölməsi TOUSKA gəmisinə endirilib.

Qeyd edək ki, daha əvvəl Prezident Donald Tramp ABŞ Silahlı Qüvvələrinin Oman körfəzində İran yük gəmisini dəniz blokadasını yarmağa cəhd etdiyinə görə saxladığını açıqlayıb.

Oxşar xəbərlər

ABŞ Oman körfəzində İran gəmisini ələ keçirib

"Tasnim": Tehran İran gəmisini saxladıqdan sonra ABŞ-nin hərbi gəmilərinə zərbə endirib

CENTCOM: Hörmüzün blokadasında 10 mindən çox hərbçi və onlarla gəmi iştirak edir

KİV: ABŞ esminesi İranın ərazi sularına daxil olmağa cəhd edib