ABŞ Dövlət Departamenti Livana yeni humanitar proqramlar üçün 58,8 milyon dollar ayırıb.

"Sizinxeber.az"un xəbərinə görə, bu barədə "NBC News" ABŞ Dövlət Departamentinin nümayəndəsinə istinadən məlumat yayıb.

Məmurun sözlərinə görə, ABŞ Dövlət Departamenti Vaşinqtonda Livan və İsrail səfirləri arasında keçirilən və Amerikanın dövlət katibi Marko Rubionun da qatıldığı görüşdə məcburi köçkün livanlılara həyati əhəmiyyətli yardım göstərmək üçün yeni humanitar proqramlar üçün 58,8 milyon dollar ayırıb.

Maliyyələşdirmə münaqişədə ən çox zərər çəkən əhaliyə ərzaq, su, sığınacaq və təcili yardım göstərmək üçün istifadə olunacaq.

Livanın hakimiyyət orqanlarının məlumatına görə, İsrail və "Hizbullah" arasında döyüşlər səbəbindən 1 milyondan çox Livan vətəndaşı evlərini tərk etmək məcburiyyətində qalıb.

Oxşar xəbərlər

Paris konfransı Livana humanitar və hərbi yardım üçün 1 milyard dollar toplayıb

"Reuters": ABŞ İsrail və Livan arasında atəşkəslə bağlı görüş planlaşdırır

CNN: Rubio Vaşinqtonda İsrail-Livan danışıqlarına qatılacaq

Aİ Ukraynaya daha 148 milyon avro humanitar yardım ayırıb

ABŞ Ukraynaya əlavə 700 milyon dollardan çox vəsait ayırıb