Horadiz-Ağbənd dəmir yolu xəttinin 79-cu km-də yerləşən körpünün hərəkət tavasının izolyasiya işlərinin başlanması planlaşdırılır.

APA-Economics" xəbər verir ki, bu barədə jurnalistlərə Şərqi Zəngəzurda yenidən qurulan, Horadiz - Ağbənd dəmir yoluna media turu çərçivəsində "Azərbaycan Dəmir Yolları" QSC-nin şöbə müdiri Fəryaz Rüstəmov bildirib.

Məlumata görə, Horadiz-Ağbənd dəmir yolu xəttinin 79-cu km-də yerləşən körpünün uzunluğu 771 metrdir və 23 aşırımdan ibarətdir. Körpünün dayaqları diametri 1200 mm olan monolit dəmir-beton qazma-doldurma svayların üzərində layihələndirilib.

Şöbə müdiri qeyd edib ki, sözügedən körpünün tikintisinin səbəbi dəmir yolunun bu həssədə Xudafərin su anbarına yaxın yerləşməsidir.

"Körpünün dəmir-beton işləri tamamlanıb, hərəkət tavasının izolyasiya işlərinin başlanması planlaşdırılır", - Fəryaz Rüstəmov bildirib.

Oxşar xəbərlər

Horadiz-Ağbənd dəmir yolu xəttinin tikintisi üzrə işlərin 57 %-i tamamlanıb

Horadiz-Ağbənd dəmir yolunun tikintisi üzrə işlərin 57%-i tamamlanıb

Horadiz-Ağbənd dəmir yolu xəttinin tikintisi 45 % tamamlanıb

ADY tabeliyində olan tibb müəssisələrinin təhvil verilməsi prosesinə başlayıb

ADY növbəti “Təhlükəsizlik həftəsi”ni elan edib