Azərbaycan Bakı-Tbilisi-Qars dəmir yolu xətti layihəsinin reallaşdırılmasına böyük həcmdə vəsait yatırıb.

Sizinxeber.az-nın yerli bürosu xəbər verir ki, bunu "Qazaxıstan Dəmir Yolları"nın sədr müavini Erlan Kulşibayev jurnalistlərə açıqlamasında deyib.

Onun sözlərinə görə, xəttin modernləşdirilməsi uğurla həyata keçirilib.

“Şübhəsiz Azərbaycan layihənin reallaşdırılmasında böyük rol oynayıb. Layihənin iştirakçı ölkələri birgə sinxronlaşdırılmış iş aparıb. Qazaxıstan tranzit ölkə kimi bu xəttə daha çox həcmdə yüklər cəlb edir”, - o vurğulayıb.

Erlan Kulşibayev xəttin rəsmi istismara verilməsini tarixi an adlandırıb.

O əlavə edib ki, Qazaxıstan bu prosesin iştirakçısı olmaqdan məmnundur.

Xatırladaq ki, bu gün Gürcüstanın Axalkalaki dəmir yolu və logistika kompleksində regionun mühüm yükdaşıma marşrutlarından biri olan Bakı–Tbilisi–Qars dəmir yolu xəttinin modernləşdirilmədən sonra istifadəyə verilməsi ilə bağlı tədbir keçiriləcək.

Oxşar xəbərlər

Gürcü nazir: Bakı-Tbilisi-Qars dəmir yolu xətti Orta Dəhlizin dəyərini yüksəldəcək

Bakı-Tbilisi-Qars dəmir yolu xətti ilə sərnişin daşınması məsələsinə aydınlıq gətirilib

ADY BTQ dəmir yolu xətti ilə sərnişin daşınacağı məsələsinə aydınlıq gətirib

ADY sözcüsü: "BTQ-nin modernləşdirilməsi Orta Dəhlizin imkanlarını artıracaq"

BTQ dəmir yolunun rəsmi açılışı olacaq