Ulu Öndər Heydər Əliyevin hüquq siyasətində insan amili daim mərkəzdə dayanıb

"Report" xəbər verir ki, bu fikirlər Azərbaycanın İnsan Hüquqları üzrə Müvəkkili (Ombudsman) Səbinə Əliyevanın Ümummilli Lider Heydər Əliyevin anadan olmasının 103-cü ildönümü ilə bağlı yazdığı məqalədə öz əksini tapıb.

S. Əliyeva qeyd edib ki, sözügedən yanaşma Azərbaycanın hüquqi inkişaf strategiyasının əsasını təşkil edib və bu gün də dövlət siyasətinin prioritet istiqamətlərindən biri kimi davam etdirilir:

"Ulu Öndərin rəhbərliyi ilə Azərbaycanda qanunun aliliyinin təmin olunması, hüquq sisteminin müasirləşdirilməsi və insan hüquqlarının qorunması istiqamətində fundamental addımlar atılmışdır. Xüsusilə müstəqillik dövründə qəbul edilən Konstitusiya və bir sıra mühüm qanunvericilik aktları ölkəmizdə demokratik idarəetmənin və hüquqi mexanizmlərin formalaşmasına güclü təkan vermişdir".

O həmçinin vurğulayıb ki, Heydər Əliyevin irsi fikir və söz azadlığının təmininə, eyni zamanda, yaşamaq hüququ kimi fundamental hüquqi dəyərin qorunmasına böyük töhfə verib, mətbuat üzərində senzuranın ləğvi və ölüm hökmünün aradan qaldırılması bu hüquqların qorunmasına xidmət edib.

Oxşar xəbərlər

Heydər Əliyevin anadan olmasının 103-cü ildönümünə həsr edilən dəyirmi masa keçirilib

Ombudsman “İnsan Hüquqları Aylığı”nın elan olunması ilə əlaqədar müraciət yayıb

Dövlət və hökumət rəsmiləri Ulu Öndər Heydər Əliyevin məzarını ziyarət ediblər

Kamran Əliyev: Azərbaycanın ilk Konstitusiyasının qəbulu Heydər Əliyevin adı ilə bağlıdır

Heydər Əliyev Mərkəzində "İz" sənədli filminin nümayişi olub