Milli Məclisin Belçika və Niderland parlamentləri ilə işçi qrupunun fəaliyyətinin dayandırılması təklif edilib.

"Sizinxeber.az" xəbər verir ki, bunu Milli Məclisin deputatı Elçin Mirzəbəyli parlamentin bugünkü plenar iclasında deyib.

O, çıxışında həmin ölkələrin parlamentlərinin Azərbaycanla bağlı qərəzli qətnamələrini pisləyib.

E.Mirzəbəyli qeyd edib ki, həmin sənədlər nə hüquqi əsaslara, nə də regiondakı real vəziyyətə söykənir:

"Bu sənədlər siyasi manipulyasiya nümunəsi olmaqla yanaşı, beynəlxalq hüququn prinsiplərinə selektiv və riyakar yanaşmanın, açıq qərəzin, siyasi aqressiyanın növbəti təzahürüdür.

Qətnamələrdə suverenlik və ərazi bütövlüyü prinsiplərinə istinad edildiyi halda, Azərbaycanın guya Ermənistan ərazilərini işğal etməsi kimi tamamilə əsassız iddiaların irəli sürülməsi, sözügedən qərəzli kağız parçalarının mahiyyətini ortaya qoyur. Bu təkcə ziddiyyət deyil, faktların məqsədyönlü şəkildə təhrif olunmasıdır".

Deputat əlavə edib ki, sənədlərdə Azərbaycan və Ermənistan arasında əldə olunan mühüm irəliləyişlərə, o cümlədən sülh müqaviləsinin mətninin razılaşdırılması kimi mühüm tarixi addıma istinadın olmaması, Vaşinqton prosesində nəticələrinin görməzdən gəlinməsi isə sistemli qərəzin nümayişidir:

"Milli Məclisin açıqlamasında da daxil olaraq qeyd olunduğu kimi, qətnamənin məhz sülh danışıqlarının intensivləşdiyi, dialoqun davam etdiyi bir dövrdə qəbul olunması onun əsl mahiyyətini açıq şəkildə ortaya qoyur".

MƏLUMAT YENİLƏNİR

Oxşar xəbərlər

Sahibə Qafarova: Avropa Parlamenti beynəlxalq hüququn prinsiplərinə zidd olan qərəzli praktikasını davam etdirib

XİN: Niderland növbəti dəfə regiondakı mövcud vəziyyətə münasibətdə qərəzli yanaşma nümayiş etdirir

Milli Məclis Belçika və Niderland parlamentlərinin Azərbaycana qarşı qərəzli sənədlərini kəskin şəkildə qınayıb

Azərbaycan və Oman Sultanlığı parlamentlərarası əlaqələr üzrə işçi qrupu yaradılır

Azərbaycan-Oman parlamentlərarası əlaqələr üzrə işçi qrupu yaradılıb