Azərbaycanın Gürcüstandakı səfiri Faiq Quliyev Gürcüstanın Acarıstan Muxtar Respublikasının mədəniyyət naziri Elisso Bolkvadze ilə görüşüb.

“Report” xəbər verir ki, bu barədə regionun Mədəniyyət Nazirliyinin mətbuat xidməti bildirib.

“Acarıstanın mədəniyyət naziri Elisso Bolkvadze Azərbaycan Respublikasının Gürcüstandakı səfiri, habelə Batumidəki baş konsul Fuad Əzizovu qəbul edib”, – qurumun sosial şəbəkə hesabında qeyd olunub. Görüşdə həmçinin nazir müavinləri – Lado Mqaloblişvili, Badri Nakaşidze və İrma Abuladzenin iştirak etdiyi vurğulanıb.

Tərəflər Azərbaycan – Gürcüstan münasibətləri, mədəni əməkdaşlığın genişləndirilməsi və birgə layihələrin gerçəkləşdirilməsi imkanları ətrafında fikir mübadiləsi aparıblar.

Xatırladaq ki, ötən ay Faiq Quliyev Gürcüstan Prezidenti Mixeil Kavelaşvili ilə strateji tərəfdaşlığı müzakirə etmişdi.

Oxşar xəbərlər

Azərbaycanın Tbilisidəki səfiri Gürcüstan DTX-nin rəisi ilə regional təhlükəsizliyi müzakirə edib

Tbilisidə Gürcüstan xarici işlər nazirinin Azərbaycana səfər planının təfərrüatları müzakirə olunub

Azərbaycanın Gürcüstandakı səfiri İran səfirliyini ziyarət edərək başsağlığı verib

Gürcüstan və ABŞ Amerikanın yeni administrasiyası ilə əməkdaşlığı müzakirə edib

Gürcüstanın müdafiə naziri: Cənubi Qafqazda sülhün bərqərar olması prosesinə töhfə verməyə hazırıq