Həm qanunvericilik bazalarına, həm də zəngin ənənələrə əsaslanaraq, mədəni irsin qorunmasına islami yanaşmanın inkişaf etdirilməsi vacibdir.

“Report”un Şuşaya ezam olunmuş əməkdaşı verir ki, bunu mədəniyyət nazirinin müavini Səadət Yusifova aprelin 17-də Şuşada keçirilən “Postmünaqişə dövründə mədəni irsin qorunması və dirçəldilməsi” mövzusunda I İslam Dünyası Mədəniyyət Forumunda deyib.

Nazir müavini bildirib ki, 1954-cü il Haaqa Konvensiyası kimi konvensiyaların icrası gücləndirilməlidir: 

“Bundan əlavə, mədəni irsin qorunmasına yerli icmaların fəal iştirakı olmadan nail olmaq mümkün deyil. Onların bilikləri, adət-ənənələri və təcrübələri effektiv qorunma və canlandırma üçün vacibdir”.

Səadət Yusifova Qarabağda aparılan bərpa-quruculuq işlərindən də danışıb:

“Son beş il ərzində Azərbaycan münaqişədən sonrakı dövrdə əhəmiyyətli səylər göstərib. Biz işğaldan azad edilmiş ərazilərdə mədəni irsinin bərpası və qorunub saxlanmasına sadiqik. Bu ərazilərdə dəymiş ziyanın sənədləşdirilməsi, tarixi abidələrin bərpası, mədəni həyatın canlandırılması üzərində işləyirik”.

Nazir müavini, bu kontekstdə, İslam Dünyası Təhsil, Elm və Mədəniyyət Təşkilatının (İSESKO) İslam dünyasının mədəni irsinin qorunması və təbliğində yorulmaz fəaliyyətini yüksək qiymərləndirib:

“Bu mühüm işdə əməkdaşlığımızı və birgə səylərimizi davam etdirməyə sadiqik. Ümidvaram ki, bu forum münaqişədən sonrakı regionlarda mədəni irsin qorunmasını və canlandırılmasını təmin edəcək və İslam mədəniyyətinin gələcək əsrlər boyu çiçəklənə biləcəyi bir dünya qurmaq üçün konkret fəaliyyətlərə və davamlı tərəfdaşlıqlara yol açacaq”.

MƏLUMAT YENİLƏNİR

Oxşar xəbərlər

Şuşada I İslam Dünyası Mədəni Forumu keçirilir

Nazir müavini: Azərbaycan silahlı münaqişənin mədəni irsə vurduğu dağıdıcı təsiri birbaşa yaşamış ölkədir

“Azərbaycanda təndir sənətkarlığı və çörəkbişirmə” faylın UNESCO-nun Qeyri-maddi Mədəni İrs üzrə Reprezentativ Siyahısına daxil edilib

Şuşada İslam Dünyası İrs Komitəsinin 12-ci iclası öz işinə başlayıb - FOTO

UNESCO Ümumdünya İrs Komitəsinin 46-cı sessiyası çərçivəsində bir sıra görüşlər keçirilib