Azərbaycan və Qətər xalqlarını yaxınlaşdıran həm də mədəni zənginlikləridir.

"Sizinxeber.az" xəbər verir ki, bunu Azərbaycanın mədəniyyət naziri Adil Kərimli Qətərin mədəniyyət naziri Şeyx Əbdülrəhman bin Həməd əl-Tani ilə görüşdə deyib:

O, Azərbaycanla Qətər arasında əlaqələr iki ölkə rəhbərlərinin qarşılıqlı etimada əsaslanan dostluq münasibətləri əsasında hərtərəfli inkişaf etdiyini bildirib:

"Ölkələrimiz arasında həm ikitərəfli, həm də çoxtərəfli platformalar çərçivəsində uğurlu əməkdaşlıq qurulub. Xalqlarımızı yaxınlaşdıran həm də mədəni zənginliklərimizdir. 2024-cü ilin fevral ayında Qətərin paytaxtı Dohada təşkil olunan Azərbaycan Mədəniyyəti Günləri mədəniyyətimizin təntənəli təqdimatı ilə yadda qalıb. Qətər də Azərbaycanda təşkil olunan müxtəlif səpkili beynəlxalq tədbirlərdə yaxından iştirak edir. İnanıram ki, Bakıda keçirilən Qətər Mədəniyyəti Günləri iki ölkə arasında mədəni əlaqələrin inkişafına mühüm töhfə olacaq”.

Şeyx Əbdülrəhman bin Həməd əl-Tani Qətər nümayəndə heyətinə göstərilən yüksək qonaqpərvərliyə görə Azərbaycan tərəfinə minnətdarlıq edib. Qətərli nazir 16 ildən sonra ölkəsinin mədəniyyətinin Azərbaycanda yenidən təqdim olunmasından məmnunluğunu bildirib, bu kimi tədbirlərin mədəni inteqrasiya üçün zəruri olduğunu vurğulayıb.

Söhbət zamanı iki ölkə arasında mədəniyyətin müxtəlif sahələri üzrə əməkdaşlığın perspektivləri müzakirə olunub. Sonda xatirə şəkilləri çəkdirilib.

Qeyd edək ki, aprelin 10-13-də Bakıda Qətər Mədəniyyəti Günləri keçirilir. Bu münasibətlə Qətərin mədəniyyət nazirinin rəhbərliyi ilə geniş nümayəndə heyəti Azərbaycanda səfərdədir.

Oxşar xəbərlər

Bakıda Qətər Mədəniyyəti Günləri keçiriləcək

Lyubimova: Rusiya Azərbaycanla mədəni əməkdaşlığı möhkəmləndirməyi hədəfləyir

Adil Kərimli serbiyalı həmkarı ilə görüşüb

Adil Kərimli Rusiyanın mədəniyyət naziri ilə görüşüb

Ceyhun Bayramov Qətərin yeni səfirini qəbul edib