“Hər yanı gülşən Azərbaycan” adlı III Regional xor müsabiqəsinə start verilib » Sizinxeber.az - Azərbaycan Xəbərləri
23 
Nis
2024
20:06

“Hər yanı gülşən Azərbaycan” adlı III Regional xor müsabiqəsinə start verilib

23 Nis, 2024
20:06
1 739

“Hər yanı gülşən Azərbaycan” adlı III Regional xor müsabiqəsinə start verilib

Azərbaycan Respublikası Prezidentinin Sərəncamına əsasən 2024-cü ilin “Yaşıl dünya naminə həmrəylik ili” elan edilməsi ilə bağlı silsilə tədbirlər davam etməkdədir.

"Sizinxeber.az" xəbər verir ki, Mil-Muğan və Mərkəzi Aran Regional Mədəniyyət İdarələrinin birgə təşkilatçılığı ilə “Yaşıl dünya naminə həmrəylik İli”nə həsr olunmuş “Hər yanı gülşən Azərbaycan” adlı III Regional Xor Müsabiqəsinin seçim mərhələsi keçirilib.

Sabirabad rayon Mədəniyyət Mərkəzində baş tutan tədbirdə Mərkəzi Aran Regional Mədəniyyət İdarəsinin rəisi Aydın Bəşirov, Mil-Muğan Regional İdarənin rəisi Faiq Xudanlı, hər iki İdarənin əməkdaşları, mədəniyyət işçiləri iştirak ediblər. Mil-Muğan Regional Mədəniyyət İdarəsinin rəis müavini Telman Əzimov tədbiri çıxış sözü ilə açaraq müsabiqədə iştirak edən kollektivlərə uğurlar arzulayıb.

Müsabiqənin seçim mərhələsində hər iki Regional Mədəniyyət İdarəsindən olan 7 uşaq musiqi və incəsənət məktəbinin xor kollektivləri iştirak edib.

İştirak edən xor kollektivləri münsiflər heyəti qarşısında müxtəlif musiqi nömrələri ilə çıxış ediblər.

Müasir Azərbaycan xorunun bilicilərindən olan Azərbaycan Dövlət Xor Kapellasının bədii rəhbəri və dirijoru, Xalq artisti Gülbacı İmanovanın, Azərbaycan Dövlət Uşaq Filarmoniyasının direktoru, Əməkdar incəsənət xadimi Dilarə Əliyevanın və Bakı Musiqi Akademiyasının dosenti, Əməkdar müəllim Aqil Qafulovun yer aldığı münsiflər heyəti hər bir kollektivin çıxışına böyük həssaslıq və tələbkarlıqla yanaşıblar.
Artıq ənənə halını almış xor müsabiqəsində iştirakçılar uğurla çıxış edib, yeni nailiyyətləri ilə fərqləniblər.

Müsabiqənin seçim mərhələsi 24 aprel tarixində 10 uşaq musiqi və incəsənət məktəbinin iştirakı ilə Ağdaş rayonunda davam etdiriləcək.

Bizimlə əlaqə saxlayın