Azərbaycanda qonşu torpaq sahibləri 5 hektara qədər torpaqlarını birləşdirə biləcəklər.

"Report" xəbər verir ki, bunu Kənd Təsərrüfatı Nazirliyinin Torpaqdan istifadəyə nəzarət şöbəsinin müdiri Firudin Tağıyev Torpaq Məcəlləsinə edilmiş əlavə və dəyişikliklərlə bağlı keçirilən brifinqdə bildirib.

Onun sözlərinə görə, yeni qaydalara əsasən, 25 hektardan yuxarı torpaq sahələrinin 1 %-i xüsusi kənd təsərrüfatı infrastrukturlarının, o cümlədən soyuducu anbarların, emal müəssisələrinin və digər obyektlərin inşası üçün istifadə edilə biləcək.

F. Tağıyev bildirib ki, kənd təsərrüfatı torpaqlarının qorunması və ərzaq təhlükəsizliyinin təmin edilməsi məqsədilə tikintiyə icazə verilməsi qaydaları kənd təsərrüfatı sektorunda investisiya mühitini daha əlçatan edəcək və fermerlərin istehsal imkanlarını genişləndirəcək.

"Hökumət tərəfindən təsdiqlənmiş standartlara uyğun olaraq həmin torpaq sahələrində lazımi infrastrukturu qurmaq mümkün olacaq. Eyni zamanda, dəyişikliklər kiçik torpaq sahiblərini torpaqlarını birləşdirməyə təşviq edəcək. Belə ki, bir və ya iki hektar torpaq sahəsinə malik olan qonşu torpaq sahibləri ümumilikdə 5 hektara qədər torpaqlarını birləşdirə biləcəklər. Bu yanaşma kənd təsərrüfatı torpaqlarının səmərəli istifadəsini təmin edəcək və ərzaq təhlükəsizliyinə müsbət təsir göstərəcək", - deyə o vurğulayıb.

Oxşar xəbərlər

Azərbaycanda kənd təsərrüfatı fəaliyyəti üçün torpaq sahəsinin təyinatının dəyişdirilməsi asanlaşıb

Firudin Tağıyev: "Azərbaycanda kənd təsərrüfatı təyinatlı torpaqların təxminən yarısı əkin üçün yararlıdır"

Azərbaycanda istənilən ölçüdə aqrar təyinatlı torpaq sahəsində istixana tikilməsinə icazə verilib

KTN: Azərbaycanda kənd təsərrüfatı bitkilərinin məhsuldarlığını 2-3 dəfə artırmaq mümkündür

Azərbaycanda Torpaq Məcəlləsi dəyişib