Azərbaycanda ərzaqlıq buğda istehsalı üzrə orta məhsuldarlığın 5 tona çatdırılması hədəflənir.

Bunu "Sizinxeber.az"a açıqlamasında kənd təsərrüfatı naziri Məcnun Məmmədov deyib.

Nazir qeyd edib ki, ölkədə ərzaqlıq buğda proqramına daxil olan fermerlərin əkin sahələri genişləndirilir: "Ötən il proqram daxilində 22 min hektar ərazidən 126 min ton ərzaqlıq buğda yığılıb. Cari ildə bu sahə 29 min hektara qədər artırılıb. Hər il bu göstəricini daha da yüksəltməyi planlaşdırırıq".

M.Məmmədov vurğulayıb ki, əsas hədəf məhsuldarlığın yüksəldilməsi hesabına nəticələrin yaxşılaşdırılmasıdır: "Ötən il ərzaqlıq buğda üzrə hektardan 5,7 ton məhsuldarlıq göstəricisi qeydə alınıb. Halbuki ölkə miqyasında orta məhsuldarlıq təxminən 3 ton ətrafındadır. Əsas hədəfimiz Azərbaycanda buğda istehsalında məhsuldarlığı 3 tondan 5 tona yüksəltməkdir".

Oxşar xəbərlər

Kənd Təsərrüfatı Nazirliyi ərzaqlıq buğda istehsalçılarına müraciət edib

Azərbaycanda yerli ərzaqlıq buğdanın tədarükünə başlanılıb

Nazirlik: Arpa sahələrinin 29 %-də biçin yekunlaşıb

Cəlilabadda taxıl biçinində yüksək məhsuldarlıq qeydə alınıb