2025-ci il məhsulu üçün müasir suvarma sistemləri ilə təchiz olunmuş sahələrdə ərzaqlıq buğda əkininə dair Kənd Təsərrüfatı Nazirliyi ilə müqavilələrin bağlanması müddəti noyabrın 1-də başa çatır.

"Sizinxeber.az" xəbər verir ki, bu barədə nazirliyin açıqlamasında bildirilir.

Məlumata görə, öz sahələrində Pivot suvarma sistemi quraraq ərzaqlıq buğda əkini aparmaq istəyən fermerlər qeyd olunan tarixədək Nazirliyə müraciət edərək, müvafiq müqaviləni imzalamalıdır.

“Ərzaqlıq buğda ilə özünütəminetmə səviyyəsinin yüksəldilməsinə dair bir sıra tədbirlər haqqında” ölkə Prezidentinin 19 iyul 2022-ci il tarixli fərmanına əsasən istehsalın etibarlı təşkili ilə əlaqədar tədbirlər 2024-cü ildə də davam etdirilib.

2024-cü ilin məhsulu üçün müqavilə imzalanmış 29 təsərrüfatda 23 765 hektar pivotaltı sahədə ərzaqlıq buğda əkini aparılıb.

Növbəti təsərrüfat ilində ərzaqlıq buğda əkini sahələrinin daha da genişləndirilməsi nəzərdə tutulur.

Oxşar xəbərlər

Azərbaycanda bəzi bitkilər üzrə yalnız məhsul subsidiyası veriləcək

Biləsuvarda payız əkinində 32 min hektar sahədə dənli bitkilərin əkini planlaşdırılır

Rusiya buğdanın ixrac rüsumunu artıracaq

Səkkiz ayda Azərbaycana 600 min tona yaxın buğda idxal edilib