Azərbaycanın Rusiyadakı səfiri Rəhman Mustafayev dekabrın 19-da Rusiya xarici işlər nazirinin müavini Mixail Qaluzin ilə görüşüb.

“Sizinxeber.az”un Rusiya bürosunun məlumatına görə, söhbət zamanı onlar ikitərəfli münasibətlərin aktual məsələlərini, həmçinin Cənubi Qafqaz və Yaxın Şərqdəki vəziyyəti müzakirə ediblər.

Ötən ildə Azərbaycan-Rusiya müttəfiqlik münasibətlərinin uğurlu inkişafı qeyd olunub, siyasi, iqtisadi və humanitar sahələrdə qarşılıqlı səfərlər həyata keçirilib.

Azərbaycanın səfiri Rəhman Mustafayev xarici işlər nazirinin müavini Mixail Qaluzinə Ermənistanla sülh müqaviləsi məsələlərinə dair rəsmi Bakının mövqeyi barədə məlumat verib.

Tərəflər, həmçinin qarşıdan gələn 2025-ci ildə keçiriləcək ikitərəfli təmasların və yüksək səviyyəli səfərlərin cədvəlini müzakirə ediblər.

Oxşar xəbərlər

Azərbaycanın Rusiyadakı yeni səfiri Rəhman Mustafayev Sergey Lavrovla görüşüb

Azərbaycanla Rusiya ikitərəfli gündəliyi və regional prosesləri müzakirə ediblər

Azərbaycan səfiri Rusiya XİN başçısının müavini ilə görüşüb

Ermənistanın Moskvadakı yeni səfiri etimadnaməsini Rusiya XİN-ə təqdim edib

Azərbaycanın Rusiyadakı səfiri Lavrovun müavini ilə görüşüb