Türk Dövlətləri Təşkilatı (TDT) öz geoiqtisadi və texnoloji məkanını formalaşdırmaq üçün yaxşı imkanlara malikdir.

"Report"un Türküstana ezam olunmuş əməkdaşı xəbər verir ki, bu barədə Qırğızıstan Prezidenti Sadır Japarov TDT-nin qeyri-rəsmi sammitində bildirib.

"Mən bugünkü iclasa və onun yekun nəticələrinə səmimi-qəlbdən şadam. TDT üçün Türküstan xüsusi dəyərə və potensiala malikdir. Dostluğumuzun və əməkdaşlığımızın möhkəmlənməsi gücümüzü əyani şəkildə nümayiş etdirir", - Japarov deyib.

O qeyd edib ki, indiki sammitin mövzusu – süni intellekt və rəqəmsal texnologiyalar – müasir dünyanın nə qədər sürətlə dəyişdiyini göstərir. "Rəqəmsal transformasiya və süni intellekt iqtisadiyyata, təhsilə, səhiyyəyə və ictimai həyatın bütün sahələrinə təsir göstərir", - Japarov bildirib.

Onun sözlərinə görə, bu gün dünyada texnoloji resurslar və süni intellekt sahəsində liderlik uğrunda rəqabət güclənir.

"Bu şəraitdə TDT öz geoiqtisadi və texnoloji məkanını formalaşdırmaq üçün yaxşı imkanlara malikdir", - o deyib.

Japarovun sözlərinə görə, süni intellektin və rəqəmsal texnologiyaların inkişafı türk dünyasının inkişafının əsas istiqamətlərindən birinə çevrilir.

Oxşar xəbərlər

Sadır Japarov: "Bişkek 2025-ci ildə TDT-nin rəqəmsal paytaxtı olacaq"

Mirziyoyev və Japarov Çin-Qırğızıstan-Özbəkistan dəmir yolunun tikintisini müzakirə ediblər

Sadır Japarov: Türk dövlətlərinin COP29-da fəal iştirakı dayanıqlı gələcəyə nail olmağa kömək edəcək

Fariz Cəfərov: "Hər bir dövlətin süni intellekt strategiyası olmalıdır"

Fariz Cəfərov: “Qlobal süni intellekt bazarı 2026-cı ilə qədər 500 milyard dollara çatacaq”