Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov Böyük Britaniyada bir sıra görüşlər keçirib.

"Report" xəbər verir ki, bu barədə Azərbaycanın Böyük Britaniyadakı səfirliyi məlumat yayıb.

Bildirilib ki, E. Əmirbəyov Britaniya Baş nazirinin milli təhlükəsizlik məsələləri üzrə müşavirinin müavini Barbara Vudörd, Xarici İşlər Nazirliyinin siyasi məsələlər üzrə direktoru Ed Leuelin, müdafiə və təhlükəsizlik məsələləri üzrə director Conatan Allan, Şərqi Avropa və Mərkəzi Asiya departametinin direktoru Kristofer Allan, Parlamentin İcmalar Palatasının sədr müavini Nüsrət Qani, Böyük Britaniya-Azərbaycan parlamentlərarası əlaqələr üzrə dostluq qrupunun rəhbəri Bob Bləkmən və bir sıra parlament üzvləri ilə görüşüb.

Bundan başqa, prezidentin xüsusi tapşırıqlar üzrə nümayəndəsi Beynəlxalq Strateji Tədqiqatlar İnstitutunda ekspertlər, tədqiqatçılar və akademik dairələrin nümayəndələrinin iştirakı ilə keçirilən dəyirmi masada çıxış edib.

E. Əmirbəyov nüfuzlu "The Guardian" və "Daily Express" nəşrlərinə müsahibə verib.

Oxşar xəbərlər

Elçin Əmirbəyov və Jiri Brodski Cənubi Qafqazda təhlükəsizliyi müzakirə ediblər

Elçin Əmirbəyov Böyük Britaniyanın milli təhlükəsizlik üzrə müşaviri ilə görüşüb - FOTO

Elçin Əmirbəyov Çexiya rəsmiləri ilə görüşlərdə Ermənistanla normallaşma prosesindən danışıb

Elçin Əmirbəyov: Zəngəzur dəhlizi Asiya ilə Avropa arasında mühüm bağlantı olacaq