“Bu həftə Bakıda gördüyümüz ən vacib məqamlardan biri əməkdaşlığın yalnız işlək mexanizm deyil, həm də böyük problemlərin həllində effektiv vasitə olmasıdır”.

Sizinxeber.az xəbər verir ki, bunu BMT Baş katibinin müavini Əminə Məhəmməd Ümumdünya Şəhərsalma Forumunun 13-cü Sessiyasının (WUF13) bağlanış mərasimində çıxışında deyib.

O bildirib ki, hazırda ən güclü əməkdaşlıq formalarından biri yerli və regional səviyyədə formalaşır.

BMT rəsmisi qeyd edib ki, təbii fəlakətlər zamanı ilk reaksiyanı məhz yerli hökumətlər verir: “Onlar su, nəqliyyat, mənzil və layiqli iş təmin edir, insanlar və institutlar arasında etimadı bərpa edirlər”.

Onun sözlərinə görə, BMT islahatlarının mərkəzində də yerli və regional hökumətlərlə əməkdaşlığın gücləndirilməsi dayanır. Bu yanaşma Baş katibin 2025-ci il hesabatında da əksini tapıb.

BMT nümayəndəsi bildirib ki, forumda 176 ölkədən 50 mindən çox iştirakçı bir araya gəlib: “Hamımızın məqsədi insanlara layiqli, dayanıqlı və əlaqəli urbanizasiya gələcəyi qurmaqdır”.

O vurğulayıb ki, 2030-cu ilə qədər qalan vaxt Dayanıqlı İnkişaf Məqsədlərinin icrasını sürətləndirmək üçün istifadə edilməlidir: “Bizə daha çox ambisiya və daha çox maliyyə lazımdır. Yeni Şəhər Gündəliyinin növbəti onilliyi əvvəlki kimi ola bilməz”.

Oxşar xəbərlər

İcraçı direktor: WUF13 indiyədək keçirilmiş ən böyük Dünya Şəhərsalma Forumudur

Komitə sədri: WUF13 göstərdi ki, mənzil davamlı inkişafın əsasını təşkil edir

İtaliyalı nazir müavini: Azərbaycan WUF13-ə uğurla ev sahibliyi edir

Quterreşin müavini: BMT Nizamnaməsinin prinsipləri təzyiq altındadır

BMT Assambleyasının Prezidenti: Azərbaycan WUF13 kimi mühüm qlobal tədbirə uğurla ev sahibliyi edir