Bakıda keçirilən Ümumdünya Şəhərsalma Forumunun 13-cü sessiyası (WUF13) şəhərlər və icmalarının gələcəyi barədə dialoq, tərəfdaşlıq və kollektiv düşüncə üçün əsl qlobal platforma olub.

Sizinxeber.az" xəbər verir ki, bunu Dövlət Şəhərsalma və Arxitektura Komitəsinin sədri, WUF13 üzrə milli koordinator Anar Quliyev tədbirin bağlanış mərasimində bildirib.

"Hər hansı bir qlobal tədbirin əsl uğurunun yalnız yekun nəticələrlə deyil, həm də yaratdığı insani əlaqələrlə ölçüldüyünü vurğulamaq istərdim. Biz bütün iştirakçılara, tərəfdaşlara, təşkilatçılara, tərcüməçilərə, texniki heyətə, xidmət təminatçılarına, habelə dövlət, özəl və vətəndaş cəmiyyəti institutlarımıza eyni dərəcədə minnətdarıq. Məhz sizin kollektiv ruhunuz bu foruma əsl mənasını verib, inklüzivliyi canlandırıb və dialoqu ortaq fəaliyyətə çevirib", - deyə sədr qeyd edib.

O əlavə edib ki, WUF13-ün mövzusu mənzil məsələsini qlobal şəhərsalma gündəliyinin mərkəzinə qoyub və bir daha təsdiqləyib ki, adekvat, əlverişli, təhlükəsiz və dayanıqlı mənzillə təminat dövrümüzün ən mühüm çağırışlarından biri olaraq qalır: "Forum boyu aparılan müzakirələr göstərib ki, mənzil təkcə insanların təməl ehtiyacı deyil, həm də ləyaqətin, dayanıqlığın, sosial inklüzivliyin, iqtisadi imkanların və dayanıqlı şəhər inkişafının təməlidir".

Oxşar xəbərlər

Dövlət Komitəsinin sədri: "WUF13 inklüziv iştirak və konkret nəticələri ilə yadda qalacaq"

Anar Quliyev: "WUF13 dayanıqlı şəhər gələcəyinə dair ortaq platformaya çevrilib"

Anar Quliyev: "Şəhərlər qlobal emissiyaların təxminən 70 %-ini təşkil edir"

Anar Quliyev: WUF13 məqsədlərinə doğru addımlayır

WUF13-ün iştirakçılarının 12 %-i vətəndaş cəmiyyətinin nümayəndələri olub