“Türkmənistan beynəlxalq münasibətlərdə güc tətbiqini dəstəkləmir və münaqişələrin hərbi yolla həllinə qarşıdır”.

“Report” “Euronews” telekanalına istinadən xəbər verir ki, bunu Türkmənistan Xalq Maslaxatının (Xalq Şurasının) sədri Qurbanqulu Berdiməhəmmədov Rusiya ilə Ukrayna arasında sülhə nail olmaq cəhdləri ilə bağlı sualı cavablandırarkən deyib.

Onun sözlərinə görə, qlobal mövqedən Türkmənistan beynəlxalq münasibətlərdə güc tətbiqini dəstəkləmir, çünki müharibə mövcud vəziyyətlərin həlli yolu deyil və bu, təcrübədə dəfələrlə təsdiqlənib:

“Gözəl bir türkmən atalar sözü var: “Müharibədə qalib yoxdur”. Bizi hərəkətə gətirən və aparacaq da, prinsipcə doğru olan bu sözdür”.

O, həmçinin xatırladıb ki, Türkmənistanın xarici siyasətinin əsasını neytrallıq təşkil edir və bu, ölkənin dünya birliyi ilə, o cümlədən çətin şəraitdə qarşılıqlı fəaliyyət prinsiplərini müəyyən edir.

“Ölkəmiz hüquqi baxımdan sırf Birləşmiş Millətlər Təşkilatının nizamnaməsi və beynəlxalq hüququn hamılıqla tanınmış normaları əsasında yaranan bütün dövlətlərarası mübahisələrin həllinin tərəfdarıdır”.

Oxşar xəbərlər

Türkmənistan və Türkiyə İran üzərindən qaz tranziti ilə bağlı razılıq əldə edib

Türkmənistan nəqliyyat dəhlizlərinin inkişafında Dünya Bankı ilə əməkdaşlıq edəcək

Gürcüstan Baş naziri və Türkmənistan Prezidenti Orta Dəhlizin inkişafını müzakirə ediblər