Türkmənistan Türkiyənin "Botaş" şirkəti ilə svop sxemi üzrə İran üzərindən təbii qazın tranzitini razılaşdırıb.

"Report" xəbər verir ki, bu barədə Türkmənistan Xalq Məsləhətinin sədri Qurbanqulu Berdiməhəmmədov İran Prezidenti Məsud Pezeşkian ilə telefon danışığı zamanı bildirib.

Q.Berdıməhəmmədov söhbət zamanı elektroenergetika sahəsində qarşılıqlı əlaqələrin artırılması məqsədilə Türkmənistan Marı İES-dən İran sərhədinə qədər Marı-Məşhəd elektrik xəttinin çəkilməsini təklif edib. Onun sözlərinə görə, artıq lazımi danışıqlar aparılıb və müvafiq sənəd imzalanıb; layihənin İran şirkətləri tərəfindən həyata keçirilməsi nəzərdə tutulur.

O vurğulayıb ki, Türkmənistanla İran Asiya və Avropa, Xəzər dənizi və Fars körfəzi arasında əlverişli coğrafi mövqedə yerləşir ki, bu da iki ölkə qarşısında nəqliyyat-logistika sahəsində konstruktiv tərəfdaşlıq üçün yol açır.

Oxşar xəbərlər

Türkmənistan İrana qaz tədarükünü ildə 40 milyard kubmetrə qədər artırmaq niyyətindədir

Pezeşkian: Türkmənistan İranla təbii qaza dair müqavilə imzalamağa hazır deyil

Qurbanqulu Berdiməhəmmədov İrana gedib

İran paytaxtını dəyişə bilər

İran Prezidenti: Azərbaycanla birgə layihələrin həyata keçirilməsi məsələsini öyrənirik