Moskvada sənaye-anbar binasında yanğın 4 min m² sahəni əhatə edib, söndürməyə helikopter cəlb olunub

Moskvanın şərqində sənaye-anbar binasında çıxan yanğın yayılaraq 4 min m² sahəni əhatə edib.

“Sizinxeber.az” xəbər verir ki, bu barədə ölkənin Fövqəladə Hallar Nazirliyi məlumat yayıb.

Bildirilib ki, sənaye-anbar binasının 800 kvadratmetr ərazisində çıxan yanğın bir müddət sonra iki dəfədən çox artaraq 4 min kvadratmetr sahəni əhatə etməyə başlayıb.

“Ka-32 helikopteri 15 dəfəyə 75 ton su atıb. Moskva Aviasiya Mərkəzindən daha bir helikopter havaya qalxmağa hazırdır”, – FHN diqqətə çatdırıb.

TASS-ın məlumatına görə, sözügedən obyektin ümumi sahəsi 22,5 min kvadratmetrdir, müxtəlifsəviyyəlidir – üç və dörd mərtəbəyə malikdir.