Qazaxıstanın inkişaf etmiş nüvə enerjisinə malik ölkəyə çevrilməsi üçün bir neçə AES-in tikintisi üzrə işləri sürətləndirməlidir.

“Report” xəbər verir ki, bunu Qazaxıstan Prezidenti Kasım-Jomart Tokayev bildirib.

“Atom elektrik stansiyalarının tikintisini sürətləndirmək lazımdır, biz iki böyük stansiya tikəcəyik. Qazaxıstanı inkişaf etmiş nüvə enerjisi olan, süni intellektin fəaliyyət göstərdiyi ölkəyə çevirməliyik", - Tokayev qeyd edib.

Qazaxıstan lideri bir müddət əvvəl müsahibəsində ölkəsinin yüksək güclü atom elektrik stansiyasına ehtiyacı olduğunu bildirmişdi. O, yaxın vaxtlarda ikinci, bəlkə də üçüncü AES-in tikintisinə başlayacaqlarını istisna etməyib.

Qeyd edək ki, Qazaxıstanda 2024-cü il oktyabrın 6-da atom elektrik stansiyasının tikintisinin mümkünlüyü ilə bağlı referendum keçirilib. Stansiyanın tikintisini seçicilərin 71,12 faizi dəstəkləyib.

Oxşar xəbərlər

Qazaxıstan gələcəkdə üç AES-in tikintisini planlaşdırır

Qazaxıstanda ilk AES-in tikintisi ilə bağlı referendum başlayıb

Tokayev: Qazaxıstanda AES beynəlxalq konsorsium tərəfindən tikilməlidir

Qazaxıstanda AES tikintisi ilə bağlı referendum keçiriləcək

Əhalinin 71 faizi Qazaxıstanda AES-in tikintisini dəstəkləyib