Suriyanın yeni hakimiyyəti Türkiyə ilə strateji münasibətləri dəstəkləmək niyyətindədir.

“Sizinxeber.az” TASS-a istinadən xəbər verir ki, bu barədə “Yeni Şafak” qəzetinə Dəməşqdə hakimiyyətə gələn silahlı birləşmələrin lideri, Əbu Məhəmməd əl-Culani ləqəbi ilə tanınan Əhməd əş-Şara bildirib.

"Türkiyə ilə strateji münasibətlərimiz olacaq. Ankaranın yeni Suriya dövlətinin yaradılmasında bir çox prioritetləri var. Qarşılıqlı ticarət əlaqələri olacaq, inanırıq ki, Türkiyə iqtisadi inkişaf təcrübəsini Suriyaya ötürəcək", - o qeyd edib.

Əş-Şara 2011-ci ildən bəri Suriyanı tərk etmiş əhalinin yarısının vətənə qayıdacağına ümidvar olduğunu deyib.

"Suriyalılar bir çox ölkələrdə sığınacaq tapdılar, lakin onları ən çox qəbul edən və hörmətlə yanaşan Türkiyə oldu. Ümid edirəm ki, Suriya bunu unutmayacaq", - o əlavə edib.

Türkiyə Daxili İşlər Nazirliyinin məlumatına görə, respublika ərazisində 2,9 milyondan çox suriyalı qaçqın ola bilər. Türkiyə Prezidenti Rəcəb Tayyib Ərdoğan daha əvvəl bildirmişdi ki, 1 milyona yaxın qaçqının Suriyaya qayıtmasının təmin edilməsi planlaşdırılır.

Oxşar xəbərlər

Suriya hökuməti istefa verməyə hazır olduğunu bildirib

Ərdoğan: Suriyanın azadlığına qarşı istənilən addımı atanlar önlərində Suriya xalqı ilə bərabər Türkiyəni də görəcək

Türkiyə Prezidenti: Avropa İttifaqına üzvlük Ankaranın strateji hədəfidir

Türkiyə ordusu Suriya və İraqda yeni əməliyyat keçirib, PKK-nın üç üvzü öldürülüb

Türkiyə ordusu Suriya və İraqda yeni əməliyyat keçirib, 13 terrorçu öldürülüb