Ermənistan parlamentinin sədri Alen Simonyanın rəhbərlik etdiyi nümayəndə heyəti dekabrın 15-20-də Nyu-Delhidə rəsmi səfərdə olacaq.

“Report” xəbər verir ki, bu barədə Ermənistan KİV-ləri məlumat yayıb.

Nümayəndə heyətinə parlamentin elm, təhsil, mədəniyyət, diaspor, gənclər və idman üzrə daimi komissiyasının sədri Sisak Qabrielyan, deputatlar Aren Mkrtçyan və Lilit Stepanyan daxil olacaq.

Qeyd edilib ki, nümayəndə heyətinə parlament müxalifətinin nümayəndələri daxil edilməyib.