Ermənistanın paytaxtı İrəvanda özlərini Milli Təhlükəsizlik Xidmətinin əməkdaşları kimi təqdim edən iki naməlum şəxs qadını qaçırıb.

“Report” xəbər verir ki, bu barədə İstintaq Komitəsinin mətbuat xidməti məlumat yayıb.

Hadisə çərşənbə günü baş verib. Qadın ailəsi ilə birlikdə İrəvanın kənarındakı “San Marko” hovuz kompleksinin ərazisində dincəlirmiş. Qara geyimli və maskalı iki nəfər ona yaxınlaşaraq özlərini Milli Təhlükəsizlik Xidmətinin əməkdaşları kimi təqdim ediblər. Bundan sonra qadını dayanacağa aparıb BMW markalı avtomobilə mindirərək naməlum istiqamətə aparıblar.

Faktla bağlı “adam oğurluğu bir qrup şəxs tərəfindən törədildikdə” və “vəzifəli şəxsin səlahiyyətlərini özbaşına mənimsəmə” maddələri ilə cinayət işi başlanıb.

Hadisə yerinə baxış keçirilib və müşahidə kameralarının görüntüləri götürülüb. Şahidlər dindirilib. Hazırda həm zərərçəkmiş, həm də hadisəni törətməkdə şübhəli bilinən şəxslərin axtarışı davam etdirilir.

Oxşar xəbərlər

19 yaşlı hamilə qadını bıçaqlayan şəxs SAXLANILDI [xfgiven_updateblue][/xfgiven_updateblue]

Bakıda narkotikin təsiri altında qadının çantasını ələ keçirib qaçan şəxs saxlanılıb [xfgiven_updateblue][/xfgiven_updateblue]

Azərbaycanda qadını bıçaqlamaqda şübhəli bilinən şəxs SAXLANILDI - YENİLƏNİB [xfgiven_updateblue][/xfgiven_updateblue]

Bakıda evə basqın olub, şübhəli şəxs polis tərəfindən zərərsizləşdirilib [xfgiven_updateblue][/xfgiven_updateblue]

Hərbçilərimiz minaya düşdü, cinayət işi başladı [xfgiven_updateblue][/xfgiven_updateblue]