Türkiyənin Sakarya vilayətinin Erenler rayonunda iki ailədən olan 6 nəfər arasında silahlı insident olub.

“Report” yerli mətbuata istinadən xəbər verir ki, insident zamanı 2 nəfər ölüb, daha 2 nəfər isə ağır yaralanıb.

Qeyd edilir ki, hadisə yerinə təcili yardım və jandarm əməkdaşları cəlb edilib. Xəsarət alan 4 nəfər təcili tibbi yardım əməkdaşları tərəfindən yaxınlıqdakı xəstəxanalara aparılıb. Xəstəxanada tibbi yardım göstərilməsinə baxmayaraq, onlardan ikisi aldıqları xəsarətlərdən ölüblər.

Yaralılardan daha birinin vəziyyətinin ağır olduğu, digərinin isə həyatı üçün təhlükənin olmadığı bildirilir.

Ərazidə geniş təhlükəsizlik tədbirləri həyata keçirən jandarm əməkdaşları hadisə yerindən qaçan iki şübhəlinin saxlanılması üçün əməliyyata başlayıb.

Oxşar xəbərlər

Türkiyədə silahlı insident olub, ölən və yaralananlar var

Türkiyədə silahlı hücum zamanı 5 nəfər xəsarət alıb

Türkiyədə 6 avtomobil toqquşub, ölən və xəsarət alanlar var

Türkiyədə ağır yol qəzası olub, ölən və xəsarət alanlar var

Türkiyədə mikroavtobus və minik maşını toqquşub, ölən və yaralananlar var