Futbol üzrə dünya çempionatlarının açılış oyunları turnirin ab-havasını müəyyən edən xüsusi matçlar olub.

"Sizinxeber.az"un araşdırmasına görə, 1930-cu ildən 2022-ci ilə qədər keçirilən mundiallarda açılış qarşılaşmaları həm nəticələri, həm də statistikası ilə diqqət çəkir.

1930-cu ildəki dünya çempionatının açılış matçında Fransa Meksikanı 4:1 hesabı ilə məğlub edib. Növbəti mundialda İtaliya ABŞ üzərində 7:1 hesablı qələbə qazanaraq açılış oyunlarının ən məhsuldar görüşlərindən birinə imza atıb.

II Dünya müharibəsi səbəbindən 1942 və 1946-cı illərdə yarış keçirilməyib və mundial 1950-ci ildə Braziliya - Meksika oyunu (4:0) ilə yenidən başlayıb.

1950, 1954, 1958 və 1962-ci illərdəki turnirlərdə ilk görüşlər bolqollu və nəticəli oyunlar baxımından üstünlük təşkil edibsə, 1966, 1970, 1974 və 1978-ci illərdəki dünya çempionatlarının açılış matçlarında, ümumiyyətlə, qol qeydə alınmayıb.

1980-ci illərdən əsrin sonlarınadək mundialların açılış oyunları elə də bolqollu keçməyib. Yalnız 1998-ci ilin Braziliya - Şotlandiya matçında (2:1) üç top vurulub.

Son mundiallarda isə bu tendensiya daha da güclənib: 2006-cı ildə Almaniya - Kosta Rika (4:2), 2014-cü ildə Braziliya - Xorvatiya (4:1), 2018-ci ildə Rusiya - Səudiyyə Ərəbistanı (5:0) kimi bolqollu oyunlar açılışların daha dinamik keçdiyini göstərir. 2022-ci ildə isə Qətər Ekvadora 0:2 hesabı ilə uduzub.

Dünya çempionatlarının açılış oyunları 1930, 1934, 1954, 1962-ci illərdəki mundiallarda eyni vaxtda bir neçə matç başlayıb, amma FIFA siyahıda bəzilərini "birinci oyun" kimi göstərib.

1930. Fransa - Meksika 4:1

1934. İtaliya - ABŞ 7:1

1938. İsveçrə - Almaniya 1:1

1950. Braziliya - Meksika 4:0

1954. Yuqoslaviya - Fransa 1:0

1958. İsveç - Meksika 3:0

1962. Çili - İsveçrə 3:1

1966. İngiltərə - Uruqvay 0:0

1970. Meksika - SSRİ 0:0

1974. Braziliya - Yuqoslaviya 0:0

1978. Qərbi Almaniya - Polşa 0:0

1982. Belçika - Argentina 1:0

1986. İtaliya - Bolqarıstan 1:1

1990. Kamerun - Argentina 1:0

1994. Almaniya - Boliviya 1:0

1998. Braziliya - Şotlandiya 2:1

2002. Seneqal - Fransa 1:0

2006. Almaniya - Kosta Rika 4:2

2010. CAR - Meksika 1:1

2014. Braziliya - Xorvatiya 4:1

2018. Rusiya - Səudiyyə Ərəbistanı 5:0

2022. Qətər - Ekvador 0:2

Xatırladaq ki, ABŞ, Kanada və Meksikada təşkil olunacaq DÇ-2026 bu gün start götürəcək. İyulun 19-da başa çatacaq turnirdə ilk dəfə 48 komanda mübarizə aparacaq.

Oxşar xəbərlər

Mundiallar tarixinə ekskurs: 1930-cu ildən başlayan möhtəşəm futbol bayramları - ARAŞDIRMA

Braziliya bütün dünya çempionatlarının final mərhələsinə vəsiqə qazanan yeganə ölkə olub

Rusiyalı idmançılar Çində keçiriləcək Dünya Oyunlarının açılış mərasiminə buraxılmayacaqlar

Çad Minifutbol Federasiyasının prezidenti Azərbaycanda keçirilən dünya çempionatın açılış mərasimini yüksək qiymətləndirib

FIFA 2030 və 2034-cü illərdə dünya çempionatlarının keçiriləcəyi ölkələri rəsmən təsdiqləyib