İran və "Avropa üçlüyü" arasında danışıqların yeri və vaxtı məlum olub

İran və Almaniya, Fransa və Böyük Britaniyadan ibarət Avropa "üçlüyü" arasında danışıqlar iyulun 27-də Cenevrədə keçiriləcək.

"Report"un məlumatına görə, bu barədə "Sky News Arabia" telekanalı mənbələrə istinadən xəbər verib.

"İranın "Avropa üçlüyü" ilə danışıqları 27 iyulda Cenevrədə keçiriləcək", - mənbələr bildiriblər.

Daha əvvəl "Axios" portalı öz mənbələrinə istinadən xəbər verib ki, ABŞ, Böyük Britaniya, Almaniya və Fransa İranla nüvə sazişinin bağlanması üçün son müddət kimi 2025-ci ilin avqustun sonunu müəyyən etməyə razılaşıblar.

İran üç Avropa ölkəsi - Almaniya, Fransa və Böyük Britaniya ilə nüvə problemi üzrə danışıqların keçirilməsi barədə razılığa gəlib.

"Report"un məlumatına görə, bu barədə "Tasnim" dövlət agentliyi öz mənbələrinə istinadən xəbər verir.

"Danışıqların formatı razılaşdırılıb, lakin onların keçirilmə vaxtı və yeri ilə bağlı müzakirələr davam edir", - mənbə qeyd edib.

Bildirilir ki, bu danışıqların İran və üç Avropa ölkəsinin xarici işlər nazirləri müavinləri səviyyəsində keçirilməsi planlaşdırılır.