Mayın 8-i saat 00:00-dan etibarən Rusiya Silahlı Qüvvələrinin xüsusi hərbi əməliyyat zonasındakı bütün qruplaşmaları döyüş əməliyyatlarını tamamilə dayandırıb.

APA-nın Moskva bürosu xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, Ukrayna Silahlı Qüvvələri tərəfindən 488 atəşkəs pozuntusu qeydə alınıb.

Qeyd olunub ki, Rusiya Silahlı Qüvvələri Ukrayna tərəfindən atəşkəs rejiminin pozulmasına adekvat şəkildə cavab verir və inkişaf edən vəziyyətə uyğun olaraq fəaliyyətini davam etdirir.

O da əlavə olunub ki, Ukrayna Silahlı Qüvvələri Kursk vilayətində Rusiya dövlət sərhədini pozmağa iki cəhd, həmçinin Donetskin Dzerjinsk rayonunda hücumlar həyata keçirib.

"Rusiya hava hücumundan müdafiə sistemləri son 24 saat ərzində 2 JDAM hava bombası və 182 PUA-sını vurub.

Atəşkəsdən əvvəl Rusiya Silahlı Qüvvələri Ukrayna Silahlı Qüvvələrinin hərbi aerodromlarının infrastruktur obyektlərinə zərbə endirib",- Rusiya MN-nin məlumatında qeyd edilib.

Oxşar xəbərlər

Rusiya MN: Ukraynanın Kursk vilayətində əks hücumu dəf edilib

Rusiya ordusu Ukraynada daha bir yaşayış məntəqəsini ələ keçirib

Rusiya MN: Ukrayna Kursk vilayətinə 11 tank və 300 hərbçi ilə hücum edib

Rusiya MN Ukraynaya kütləvi zərbə endirilməsi barədə məlumat yayıb

Rusiya gün ərzində Ukraynanın 137 PUA-sını vurub