Gürcüstan Avropa İttifaqı ilə yaxınlaşmaq əvəzinə uzaqlaşır.

APA-nın Tbilisi müxbiri xəbər verir ki, bunu Almaniyanın Gürcüstandakı səfiri Piter Fişer jurnalistlərə açıqlamasında deyib.

"Gürcüstanın 2023-cü ilin dekabrından namizəd statusu var. Bu status Aİ-nin üzvlük üçün verə biləcəyi ən böyük hədiyyələrdən biridir. Sizdə bu dəvət var, lakin ötən ilin iyun ayından Gürcüstanın namizəd statusu ilə bağlı işlər dayandırılıb, çünki Gürcüstan ittifaqla yaxınlaşmaq əvəzinə ondan uzaqlaşır", - Fişer deyib.

Səfir Almaniyanın üzvlük prosesinin dayandırılmasına görə, Gürcüstan hökumətinin məsuliyyət daşıdığını qeyd edib. Əlavə edib ki, Almaniya nümayişçilərə qarşı insan haqlarının pozulmasına görə məsuliyyət daşıyan gürcü rəsmilərinin ölkəyə girişinə əlavə qadağa qoyub.

Oxşar xəbərlər

Aİ səfiri: Gürcüstan çox dərin siyasi böhran içindədir

Britaniya Gürcüstanla təhlükəsizlik sahəsində dialoqu dondurub

Almaniya Gürcüstanla 237 milyon avro dəyərində layihələrin icrasını dayandırıb

Aİ səfiri: Gürcüstanla əlaqələr hazırda ən aşağı səviyyədədir

Şarl Mişel: Gürcüstanın gələcəyi ilə bağlı qərarı yalnız xalq verə bilər