Böyük Britaniya Gürcüstanla təhlükəsizlik sahəsində illik dialoqu, eləcə də müdafiə sahəsi ilə bağlı digər danışıqları dondurub.

APA-nın Tbilisi müxbiri xəbər verir ki, bu barədə Britaniyanın Gürcüstandakı səfiri Garet Uord yerli mediaya açıqlamasında bildirib.

Məlumata görə, qərara səbəb Gürcüstandakı demokratik geriləmədir.

“Mən gözləyirdim ki, biz Gürcüstanın dayanıqlığını və bizim ümumi rifahımızı gücləndirmək üçün birlikdə çalışacağıq, lakin son bir il ərzində Gürcüstan hökuməti fərqli kurs seçib”, - səfir deyib.

Diplomat əlavə edib ki, Gürcüstan hökumətinin hərəkətləri Britaniyanın Gürcüstanda “demokratiyanın tənəzzülü və anti-Qərb ritorikası" ilə bağlı narahatlığının artırmasına səbəb olub.

Oxşar xəbərlər

Britaniya Gürcüstanla dialoqu dondurub

Gürcüstandakı azərbaycandilli məktəblərə dərsliklər göndərilib - FOTO

Gürcüstan Baş nazirinin adı Baydenin qəbul siyahısından çıxarılıb