ATƏT-in Baş katibi 2021-ci ildən bəri ilk dəfə Moskvaya səfər edib.

APA-nın Moskva müxbiri xəbər verir ki, ATƏT Baş katibi Feridun Sinirlioğlu Rusiya xarici işlər naziri Sergey Lavrovla danışıqlar aparıb.

Lavrov və Sinirlioğlu Ukraynada nizamlanma, ATƏT-in Avrasiya təhlükəsizlik arxitekturasında mümkün iştirakı və Ukrayna münaqişəsi zonasında jurnalistlərin vəziyyətini müzakirə ediblər.

Rusiya XİN başçısı Ukraynada sülhməramlıların yerləşdirilməsi ideyasını yenə tənqid edib. O, Ukrayna prezidenti Volodimir Zelenskinin nizamlanmanı istəmədiyini bildirib.

Lavrov həmçinin Suriyadakı vəziyyət barədə danışıb. O vurğulayıb ki, Moskva Suriyada zorakılığın baş verməsini qəbuledilməz və Suriya hakimiyyətinin vədlərini pozduğunu hesab edir.

ATƏT-in Baş katibinə Ukrayna PUA-larının Moskva vilayətinə kütləvi hücumunun nəticələri göstərilib.

Oxşar xəbərlər

Sergey Lavrov martın 11-də Moskvada ATƏT-in baş katibi ilə danışıqlar aparacaq

Lavrov Ukrayna müharibəsi başlayandan bəri ilk dəfə Aİ ölkəsinə səfər edib

Ceyhun Bayramov ATƏT Baş katibi ilə Azərbaycan-Ermənistan sülh prosesini müzakirə edib

Türkiyəli diplomat ATƏT-in yeni Baş katibi təyin edilib

Türkiyənin sabiq xarici işlər naziri ATƏT-in yeni baş katibi olub