Rusiya ordusu Ukraynanın Donetsk vilayətinin Uqledar şəhərini nəzarətə götürüb.

APA-nın Moskva müxbiri xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, “Vostok” qoşun qruplaşmasının bölmələrinin qətiyyətli fəaliyyəti nəticəsində Donetskin Uqledar şəhəri ələ keçirilib.

Qeyd edək ki, Uqledar Ukrayna Silahlı Qüvvələrinin Yujnodonetsk istiqamətində sonuncu əsas dayaq məntəqəsi idi.
Bu məntəqənin itirilməsi nəticəsində Rusiya qoşunları Zaporojye vilayəti ilə sərhəddə yerləşən Velikaya Novoselka
və Ukrayna qoşunlarının güclü müdafiə xətləri ilə təchiz etdiyi Kuraxovo istiqamətində irəliləyə biləcəklər.

Bundan əlavə, Uqledarın ələ keçirilməsi Donetsk-Mariupol avtomobil yolununun təhlükəsizliyini tam təmin edib və Volnovaxanı zərbə hədəfindən uzaqlaşdırıb.

Oxşar xəbərlər

Rusiya MN: Ötən gecə Ukrayna SQ-nin 113 PUA-sı vurulub

Rusiya MN: Ukrayna Belqorod şəhərini kasetli mərmiləri olan raketlərlə vurub

Rusiya ordusu Ukraynada bir neçə istiqamətdə irəliləyib

Rusiya MN Ukraynaya kütləvi zərbə endirilməsi barədə məlumat yayıb

Rusiya Ukrayna aerodromlarına "Kinjal" raketləri ilə zərbə endirib