Rusiya prezidentinin köməkçisi, Rusiya Dövlət Şurasının katibi, general-polkovnik Aleksey Dyumin Kursk istiqamətində Ukrayna qüvvələri ilə döyüşən "Şimal" qruplaşmasının koordinatoru təyin edilib.

APA RİA “Novosti”yə istinadən xəbər verir ki, bu barədə Rusiya prezidenti Vladimir Putin qərar verib.

Bildirilib ki, A. Dyumin artıq Kurska ezam olunaraq, vəzifəsinin icrasına başlayıb.

Bununla yanaşı, Kremlə yaxın mənbələr general-polkovnikin regiondakı hərbi birləşmələrə bilavasitə rəhbərlik etməyəcəyi, sadəcə nəzarət funksiyasını yerinə yetirəcəyi açıqlanıb.

Ehtimal olunur ki, qərarın verilməsinə bölgədəki gərgin vəziyyət səbəb olub. Başqa bir iddiaya görə isə, Rusiya Ordusunun Baş Qərargah rəisi Valeri Gerasimovun Ukraynadakı ordu birləşmələrinin komandanı qismindəki səlahiyyətləri əlindən alınıb.

Oxşar xəbərlər

Rusiya MN: Ukrayna ordusunun Kursk vilayətində irəliləməsi dayandırılıb

Rusiya MN Kursk istiqamətində döyüşlərin davam etdiyini bildirib

Rusiya MN: Ukrayna Kursk vilayətinə 11 tank və 300 hərbçi ilə hücum edib

Putin: Kursk vilayətinə hücum etməklə Kiyev gələcək danışıqlarda mövqeyini yaxşılaşdırmağa çalışır

Medvedev Ukrayna ordusunun Kurskdakı hərəkətlərindən dərs almağa çağırıb