Qazaxıstan neft qiymətlərinin əlverişli olacağı təqdiqdə Bolqarıstanın neft məhsulları bazarında iştirakını genişləndirə bilər.

“Report”un Qazaxıstan bürosunun məlumatına görə, bunu jurnalistlərə "Samruk-Kazına" Milli Rifah Fondunun rəhbəri Nurlan Jakupov bildirib.

"Qazaxıstanın Bolqarıstanın neft məhsulları bazarında iştirakının genişləndirilməsi neftin qiymətindən asılı olacaq. Genişlənmə iqtisadi əhəmiyyət və kommersiya cəlbediciliyi olduğu halda mümkündür", - N.Jakupov qeyd edib.

O "KazMunayQaz" SC-nin törəmə şirkəti olan "Rompetrol" şirkətinin Bolqarıstanda 56 yanacaqdoldurma məntəqəsi və terminaldan ibarət şəbəkəyə malik olduğunu xatırladıb.

"Bolqarıstanın neft məhsulları bazarında 3,7 % pay sahibiyik", - fondun rəhbəri əlavə edib.

O hesab edir ki, Qazaxıstanın bu seqmentdə payının artırılması üçün potensial var.

N.Jakupov həmçinin Qazaxıstanın Bolqarıstanda neft emalı zavodu ala bilib-bilməyəcəyi barədə suala cavab verməkdən yayınıb və bu layihəni "kommersiya baxımından həssas" adlandırıb.

Oxşar xəbərlər

Qazaxıstanın energetika naziri: Qlobal neft bazarında sabitliyin təşviqinə hazırıq

SOCAR ötən il neft emalı və neft-kimya məhsullarının ixracını təxminən 3 % artırıb

Qazaxıstan enerji çatışmazlığını azaltmaq üçün Aİ-yə neft ixracını artırmağa hazırdır

Qazaxıstanın Energetika Nazirliyi 8 ay ərzində BTC ilə neft tranzitinin həcmini açıqlayıb