İsrail anklavda aclıq təhlükəsinin qarşısını almaq üçün Qəzza zolağına ərzaq tədarükünə icazə verəcək.

“Sizinxeber.az” xəbər verir ki, bu barədə yəhudi dövlətinin Baş naziri Benyamin Netanyahunun Dəftərxanası məlumat yayıb.

“İsrailin Müdafiə Ordusunun tövsiyəsi və HƏMAS-a qalib gəlmək üçün intensiv döyüşlərin genişləndirilməsinin təcili zərurətini nəzərə alaraq, İsrail Qəzza zolağında aclıq böhranının yaranmasının yaranmasına yol verməmək üçün əhalini əsas ərzaq məhsulları ilə təmin edəcək”, - bəyanatda deyilir.

Dəftərxanada qeyd edilib ki, İsrail HƏMAS-ın humanitar yardımın paylanmasına nəzarəti ələ keçirməsinin qarşısını almaq və bu yardımın HƏMAS terrorçularına çatmamasını təmin etmək üçün səy göstərəcək.

Dəftərxana qeyd edib ki, Qəzza zolağında qida böhranı HƏMAS-ı məğlub etmək üçün “Gideon arabaları” əməliyyatının davam etdirilməsini təhlükə altına sala bilər.

Qeyd edək ki, mayın 18-də İsrailin Müdafiə Ordusu “Gideon arabaları” adlı genişmiqyaslı quru əməliyyatı çərçivəsində Qəzza zolağının şimal və cənub ərazilərində hərbi əməliyyatlara başladığını elan edib.

Oxşar xəbərlər

İsrail ABŞ-nin Qəzzaya humanitar yardım çatdırmaq planını dəstəkləyib

İsrail HƏMAS girovları azad edənə qədər Qəzza əməliyyatını genişləndirəcək

BMT: Qəzzada atəşkəs aclığın qarşısını almağa kömək edib

İsrail HƏMAS-ın HHM qüvvələrinin başçısının öldürüldüyünü açıqlayıb