İsrail ordusu Qəzza zolağında Fələstinin radikal HƏMAS hərəkatının əsas maliyyəçilərindən birini öldürüb.

“Report” xəbər verir ki, bu barədə ordunun mətbuat xidməti məlumat yayıb.

Məlumata görə, hədəfi Caser Hüseyn Əli Şamiya olan xüsusi əməliyyat bir həftə əvvəl Qəzza şəhərində İsrailin Müdafiə Qüvvələri və Baş Təhlükəsizlik Xidməti tərəfindən həyata keçirilib. İsrail hərbçilərinin məlumatına əsasən, o, HƏMAS-ın hərbi qanadı üçün vəsait toplamaqdan məsul olub və əvvəllər hərəkatın Qəzza briqadasında batalyon komandiri olub.

“Müharibənin əvvəlindən Şamiya HƏMAS-ın hərbi qanadına onmilyonlarla dolların köçürülməsinə cavabdeh olub. Bu vəsaitlər hərbi qanadın gücləndirilməsi, HƏMAS terrorçularına maaşların ödənilməsi və bütövlükdə terror təşkilatının maliyyələşdirilməsi üçün istifadə edilib. Bundan əlavə, bu, hərbi əməliyyatların davam etdirilməsinə və Qəzzanın şimalındakı HƏMAS briqadalarının mövcudluğunun saxlanmasına imkan verib”, - bəyanatda deyilir.

Oxşar xəbərlər

İsrail Ordusu: Qəzzada HƏMAS-ın HHQ-nin komandiri öldürülüb

İsrail Müdafiə Qüvvələri HƏMAS briqadasının dörd səhra komandirinin məhv edildiyini açıqlayıb

İsrail ordusu Cenində HƏMAS-ın iki yüksək rütbəli üzvünü öldürdüyünü bildirib

İsrail ordusu Qəzzada HƏMAS-ın vacib simalarını vurduğunu açıqlayıb

Qəzzada HƏMAS liderlərindən biri öldürülüb