İsrailin Qəzza zolağının şimalında məktəb binasına endirdiyi hava zərbəsi nəticəsində azı 15 nəfər həlak olub.

“Report” xəbər verir ki, bu barədə Qətərin “Al Jazeera” telekanalı məlumat yayıb.

Qeyd olunub ki, İsrail Hərbi Hava Qüvvələri Fələstin anklavının şimalında yerləşən Cəbəliya şəhərindəki qızlar məktəbinə silsilə zərbələr endirib. Bombalama nəticəsində içərisində uşaqlar da daxil olmaqla ən azı 15 sakin həlak olub.

Kanal həmçinin bildirib ki, son 24 saat ərzində İsrailin Qəzza zolağına endirdiyi aviazərbələr nəticəsində ən azı 40 fələstinli ölüb, 80-dən çox insan yaralanıb.

Bundan sonra 2023-cü ilin oktyabrında Fələstin-İsrail münaqişəsinin başlamasından bu yana bölgədə ölənlərin ümumi sayı 52 829 nəfərə yüksəlib, hərbi əməliyyatlar zamanı daha 119 554 fələstinli yaralanıb.

Oxşar xəbərlər

Qəzzada ölənlərin sayı 52,3 mini ötüb

İsrailin Qəzzaya endirdiyi aviazərbələr nəticəsində 39 fələstinli ölüb

Qəzzada ölən fələstinlilərin sayı 44,3 min nəfərə çatıb

Qəzzada ölənlərin sayı 43,8 min nəfəri keçib

Al Jazeera: İsrailin Qəzzanın şimalına hava zərbələri nəticəsində 70-dən çox fələstinli həlak olub