Avropa Komissiyası (AK) iyunda Rusiyadan nüvə yanacağı alışını məhdudlaşdırmağı təklif etməyi planlaşdırır.

“Sizinxeber.az” TASS-a istinadən xəbər verir ki, bu barədə “Reuters” agentliyi məlumat yayıb.

Qapalı sənədə istinadən qeyd olunub ki, AK Avropa İttifaqı ölkələrinə Rusiya ilə nüvə yanacağının tədarükü haqqında yeni müqavilələr bağlamaqdan imtina etməyi və onlara alternativ axtarmağa başlamağı təklif edəcək.

Qeyd olunan sənəd Rusiyanın "qazıntı yanacağından" imtina üzrə AK strategiyasının inkişafı məqsədilə qəbul edilməlidir. AK bu strategiya çərçivəsində 2027-ci ilin sonundan etibarən Rusiyanın mayeləşdirilmiş təbii qazının Aİ ölkələrinə idxalının qadağan edilməsini nəzərdə tutan ilk paketi bu gün təqdim etməyi planlaşdırır. Bu sənədin təqdimatı daxili fikir ayrılıqları səbəbindən artıq iki dəfə təxirə salınıb.

Oxşar xəbərlər

Cənubi Koreya Rusiyadan uran yanacağının alışını azaldacaq

AK 2027-ci ilin sonuna qədər Rusiya qazının idxalının tamamilə qadağan edilməsini təklif edəcək

Avropa İttifaqı ölkələri Rusiyadan LNG alışını kəskin artırıb

Aİ Rusiyadan LNG idxalına tam qadağa qoyulmasını yeni sanksiyalara daxil etməməyi qərara alıb

Rusiyadan daha çox mayeləşdirilmiş təbii qaz alan Avropa ölkəsi Fransadır